This article has been translated from English to Tagalog.

Partner Center

Noong unang panahon, naimbento ng mga tao ang blinders para sa mga kabayo para mag-focus sila sa trabaho nila. Ang blinders ay mga piraso ng balat na nakakabit sa bridle ng kabayo na pumipigil sa kanila na makakita ng anuman maliban sa nasa harapan nila.

Kung walang blinders, kayang makita ng kabayo ang halos nasa likod nito ng hindi tumitingin sa likuran, at madali itong matakot sa galaw o bagay na di nito kilala. Sa pamamagitan ng mas kaunting distractions, mas maaasahan at nakatuon ang kabayo sa trabaho.

Bilang isang trader, napansin ko na tuwing kinukumpara ko ang trading performance ko sa ibang forex traders, lumalala ang performance ko.

Ang “distraction” na ito ay kadalasang nagiging sanhi ng pagkawala sa trading account ko at mojo.

Noong wala pang Netflix, TikTok, o Disney+, at isa si Oprah sa pinaka-kapana-panabik na tao sa TV, napanood ko ang isa sa mga interview niya.

Dito, isang babae ang nagbahagi kung paano siya palaging nalilihis sa kanyang layunin kapag ikinukumpara niya ang sarili sa iba sa kanyang negosyo. Napagtanto ko na ang konseptong ito ay naaangkop sa ating pang-araw-araw na buhay.

Huwag mong ikumpara ang sarili mo sa iba. Kahit nakaka-tukso sa modernong, competitive na mundo ang palaging magtanong, “Kumusta na ako?” at sukatin ang tagumpay base sa kung paano gumagana ang mga kapantay mo.

Kung masyado kang maraming oras na ginugugol sa social media para tingnan kung sino sa mga kaibigan mo ang may bagong bahay o nag-eenjoy sa latest vacation nila, baka lang madama mo na hindi ka “living the life” katulad nila.

Mas madaling sabihin kaysa gawin, pero huwag mong hayaang ang performance mo kumpara sa iba ang makakaapekto sa damdamin mo ng self-worth at tagumpay sa buhay.

Walang silbi ang comparisons. Patakbuhin mo ang sarili mong karera.

Ikaw lang ang makakahasa sa forex trading skills mo. Ang gumagana para sa iba ay hindi nangangahulugang gagana rin sa'yo. Kailangan mong makahanap ng sariling method mo, na bagay sa iyong trading skill at personality.

Ang comparisons ay magdadala lang ng frustration at ililihis ka mula sa pagbuo ng sariling landas patungo sa pagkakitaan.

Huwag mong isipin na tinatalo mo ang iba sa isang imaginary finish line.

Ang mga tao na nakakamit ng malalaking bagay ay nagtatrabaho nang mag-isa at sa sariling pamamaraan. Wala silang pakialam sa ginagawa ng iba. Sinusunod nila ang sariling timeline, sariling passion, at nakatingin sa LOOB kung saan pupunta susunod.

Pansinin mo paano ko sinabing sa loob, at hindi sa labas. Tumingin sila sa loob kung saan pupunta susunod.

Walang kinalaman sa performance mo ang performance ng iba. Ang magagawa lang ng comparisons ay pahirapan ka. Makakaramdam ka ng inggit o selos.

Kapag nakita mo na mas mababa ang performance mo kumpara sa isang kapwa trader, malamang na maiisip mo ang mga nakaka-istorbong isipin tulad ng, “Bakit hindi ko magawa ng ganoon kaayos?” o “Siguro hindi ako kasing galing na forex trader tulad ng akala ko.”

Para mapanatili ang motivation, mag-focus sa pagpapabuti ng nakaraang performance record mo, imbes na tingnan kung paano ginagawa ng ibang traders.

Karaniwang hindi mo alam kung anong factors ang nagdulot ng performance records nila, kaya ang comparisons ay makakapandaya at makakahadlang sa'yo. Baka naman swerte lang sila o may market wizard na nakatayo sa likod nila sa bawat forex trade, nagbibigay ng advice.

Suotin mo ang “blinders” mo. Huwag tingnan ang record ng iba maliban sa sarili mong record. Iba-iba ang learning curve ng lahat.

Patakbuhin mo ang sariling mong karera at tapusin sa sariling mong bilis.